ஜல்லிக்கட்டுக்கான அவசர சட்டம் நிரந்தரமானது : ஆளுநர் அறிவிப்பு..

சென்னை, ஜன.23 (டி.என்.எஸ்) ஜல்லிக்கட்டு மீதான தடையை நீக்க தமிழக அரசு கொண்டுவந்துள்ள அவசர சட்டம் நிரந்தரமானது, என்று தமிழக ஆளுநர் வித்யாசாகர், சட்டப்பேரவை கூட்டத்தில் அறிவித்தார்.


ஜல்லிக்கட்டு தொடர்பான அவசரச் சட்ட முன் வடிவை இன்றே நிறைவேற்ற முடிவு செய்யப்பட்டுள்ளது. அதனால், இன்று மாலை 5 மணியளவில் தமிழக சட்டப்பேரவையின் சிறப்புக் கூட்டம் நடைபெற உள்ளது.
மறைந்த முதல்வர் ஜெயலலிதாவுக்கு பேரவையில் நாளை இரங்கல் தீர்மானம் நிறைவேற்றப்படும். அதனைத் தொடர்ந்து 27, 30, 31ம் தேதி ஆளுநர் உரைக்கு நன்றி தெரிவிக்கும் தீர்மானம் மீது விவாதம் நடைபெறும். பிப்ரவரி 1ம் தேதி ஆளுநர் உரைக்கு நன்றி தெரிவிக்கும் விவாதத்தின் மீது முதல்வர் ஓ. பன்னீர்செல்வம் பதிலுரை ஆற்ற உள்ளார்.