இன்ஜினியரிங் படிப்புகளுக்கு, ஆன்லைனில் விண்ணப்பிப்பது எப்படி என, வழிகாட்டும் தகவல்கள், அண்ணா பல்கலைக்கழக இணையதளத்தில், தமிழில் வெளியிடப்பட்டுள்ளது.

🔹 இன்ஜினியரிங், படிப்புகளுக்கு 'ஆன்லைனில்' விண்ணப்பிப்பது எப்படி?  வழிகாட்டும் தகவல்கள் அண்ணா பல்கலைக்கழக இணையதளத்தில் தமிழில் வெளியிடப்பட்டுள்ளது.


🔸 பிளஸ் 2 முடித்த மாணவர்கள், இன்ஜினியரிங் படிப்பில் சேர அண்ணா பல்கலைக்கழக ஒற்றை சாளர கவுன்சிலிங்கில் பங்கேற்க வேண்டும்.

🔹 இதற்கு, சென்ற ஆண்டு முதல், ஆன்லைன் விண்ணப்ப பதிவு துவங்கியது.

🔸 இந்த ஆண்டு, விண்ணப்ப கட்டணத்தையும், ஆன்லைனில் செலுத்த வசதி செய்யப்பட்டுள்ளது. ஆனால், கிராமப்புற பகுதிகளிலும், பின்தங்கிய மாவட்டங்களிலும், மாணவர்களுக்கு, ஆன்லைனில் பதிவு செய்யும் நடைமுறை தெரியவில்லை.

🔹 இது குறித்து, அண்ணா பல்கலைக்கு பல்வேறு தரப்பில் கோரிக்கைகள் வந்தன.

🔸 இதை தொடர்ந்து, கவுன்சிலிங்குக்கான, www.tnea.ac.in என்ற இணையதளத்தில், விண்ணப்பிக்கும் முறை குறித்து, தமிழில், வழிகாட்டு தகவல்களை வெளியிட்டுள்ளது.

🔹 இணையதளத்தின் ஒவ்வொரு பக்கத்திலும் இடம் பெறும் விபரங்கள், அதற்கடுத்த பக்கங்களுக்கு செல்லும் முறை என, அனைத்து விபரங்களையும், அண்ணா பல்கலை இன்ஜினியரிங் கவுன்சிலிங் குழு வெளியிட்டுள்ளது.

🔸 'மொபைல் போன் வழியே பதியலாம்' : அண்ணா பல்கலைக்கழக இன்ஜினியரிங் கவுன்சிலிங் உறுப்பினர் செயலர், பேராசிரியை இந்துமதி கூறியதாவது:

🔹 தற்போது, ஸ்மார்ட் போன் பயன்படுத்துவோர் எண்ணிக்கை அதிகமாக உள்ளதால், ஸ்மார்ட் போன் மூலமும், கவுன்சிலிங் இணையதளத்தில் பதிவு செய்ய, வசதி செய்துள்ளோம்.

🔸 அதே போல், 'லேப் - டாப், டேப்லெட்' போன்றவற்றிலும், இந்த இணையதளத்தை இயக்கலாம்.
இவ்வாறு அவர் கூறினார்.