ஆய்வக உதவியாளர் பணியிடங்கள்: தேர்வுப் பட்டியல் சென்னை, திருவண்ணாமலை மாவட்டங்களுக்கான தேர்வுப் பட்டியல் விரைவில் வெளியிடப்படும் - பள்ளிக் கல்வித்துறை..

அரசு உயர்நிலை, மேல்நிலைப் பள்ளிகளில் ஆய்வக உதவியாளர் பணியிடங்களுக்கு தேர்வு செய்யப்பட்டவர்களின் பட்டியல் அந்தந்த மாவட்ட முதன்மைக் கல்வி அதிகாரிகளின் அலுவலகத்தில் வெளியிடப்பட்டுள்ளது.


பள்ளிகளில் காலியாகவுள்ள 4,362 ஆய்வக உதவியாளர் பணியிடங்களுக்கான எழுத்துத் தேர்வு, சான்றிதழ் சரிபார்ப்பில் பெற்ற மதிப்பெண் கூட்டுத்தொகை அடிப்படையில் தரவரிசைப் பட்டியல் தயார் செய்யப்பட்டது. திண்டுக்கல், விழுப்புரம், ராமநாதபுரம் உள்ளிட்ட 21 மாவட்டங்களுக்கான தேர்வுப் பட்டியல் முதன்மைக் கல்வி அலுவலகங்களிலும் அந்த இணையதளங்களிலும் சனிக்கிழமை (ஏப்.15) வெளியிடப்பட்டுள்ளது. பிற மாவட்டங்களுக்கான பட்டியல் ஞாயிற்றுக்கிழமை (ஏப்.16)வெளியாகும்.

நியமன ஆணை: பணிக்குத் தேர்வு பெற்றவர்களுக்கான நியமன ஆணை ஆகியவை திங்கள் (ஏப்.17), செவ்வாய்க்கிழமை (ஏப்.18) ஆகிய நாள்களில் வழங்கப்படவுள்ளது.

சென்னை, திருவண்ணாமலை மாவட்டங்களுக்கான தேர்வுப் பட்டியல் விரைவில் வெளியிடப்படும்.
நீதிமன்ற வழிகாட்டுதலில்...உயர் நீதிமன்றத்தின் வழிகாட்டுதல் மற்றும் தமிழக அரசின் உத்தரவின்படி, எழுத்துத் தேர்வு, சான்றிதழ் சரிபார்ப்பு ஆகியவற்றின் மொத்த மதிப்பெண் அடிப்படையில்தான் இந்தத் தேர்வுமுறை நடைபெற்று பட்டியல் வெளியிடப்பட்டுள்ளது என பள்ளிக் கல்வி இயக்குநர் எஸ்.கண்ணப்பன் தெரிவித்துள்ளார்.

ஆர்.கே.நகர் இடைத்தேர்தலையொட்டி, தேர்தல் நடத்தை விதிகள் அமலில் இருந்ததால், சென்னை மாவட்டத்தில் மட்டும் சான்றிதழ் சரிபார்ப்பு நடத்தப்படவில்லை என்பது குறிப்பிடத்தக்கது.