வங்கிகள் உள்பட அனைத்து பொதுத்துறை நிறுவனங்களுக்கும், 'கேம்பஸ் இன்டர்வியூ' எனப்படும் வளாக நேர்காணல் மூலம் ஆட்களை தேர்வு செய்வதை நிறுத்த மத்திய அரசு முடிவு செய்துள்ளது

🔸 சென்னை உயர்நீதிமன்றத்தில், 2014ம் ஆண்டில் ஒரு மனு தாக்கல் செய்யப்பட்டது.

🔹 முன்னணி கல்லூரிகள் மற்றும் தனியார் கல்லூரிகளில் பொதுத்துறைகள் வளாக நேர்காணல் நடத்தி, அதன்மூலம் தேர்வு செய்வதை நிறுத்த வேண்டும்.



🔸 இந்த நடவடிக்கையால் அரசு கல்லூரிகளில் படிக்கும் மாணவர்கள் பாதிக்கப்படுவர் என அந்த மனுவில் கூறப்பட்டு இருந்தது.

🔹 இதையடுத்து, வளாக நேர்காணல் நடவடிக்கைக்கு சென்னை உயர்நீதிமன்றம் தடை விதித்தது.

🔸 எனினும், 2015 செப்.,7 ம் தேதி சென்னை உயர்நீதிமன்றம் அந்த தடையை விலக்கி உத்தரவிட்டது.

🔹  'இந்த நடவடிக்கை காலத்திற்கு ஏற்ற ஒன்று. சிறந்தவர்களை தேர்வு செய்வதற்கான முயற்சி இல்லாவிடில், திறமையானவர்களை தனியார் நிறுவனங்களும், பன்னாட்டு நிறுவனங்களும் வேலைக்கு எடுத்து விடுவர்' என, உயர்நீதிமன்றம் கூறியிருந்தது.

🔸 இதன் அடிப்படையில், வங்கிகள் உள்பட பொதுத்துறை நிறுவனங்களுக்கு வளாக நேர்காணல் மூலம் ஆட்களை தேர்வு செய்யும் நடவடிக்கை தொடர்ந்து மேற்கொள்ளப்பட்டு வந்தது.
🔹 சட்ட அமைச்கம் விளக்கம் இந்த சூழ்நிலையில், மத்திய சட்ட அமைச்சகத்தின் சட்ட விவகார பிரிவு,' சென்னை உயர்நீதிமன்றத்தின் 2015 செப்., 7 ம் தேதி உத்தரவின் பேரில், வங்கிகள் உள்பட பொதுத்துறை நிறுவனங்களுக்கு வளாக நேர்காணல் மூலம் ஆட்களை தேர்வு செய்யும் நடைமுறை, அரசியல் சட்டத்திற்கு முரணானது என கேள்வி எழுப்ப வாய்ப்பு உள்ளது.

🔸 2013ம் ஆண்டில் மும்பை உயர்நீதிமன்றம் பிறப்பித்த உத்தரவை, சுப்ரீம் கோர்ட் உறுதி செய்துள்ளது.

🔹 வளாக நேர்காணல் நடத்துவது பிற மாணவர்களின் வாய்ப்பை தட்டி பறிக்கிறது என்பது மும்பை உயர்நீதிமன்ற உத்தரவின் சாரம்சம்.

🔸உச்ச நீதிமன்றம் பிறப்பிக்கும் உத்தரவு அனைத்து நீதிமன்றங்களையும் கட்டுப்படுத்தும் என்பது அரசியல் சட்டத்தின் 141வது பிரிவு கூறுகிறது' என, கூறப்பட்டுள்ளது.

🔹 இதன் மூலம் வங்கிகள் உள்பட பொதுத்துறை நிறுவனங்களுக்கு வளாக நேர்காணல் நடப்பது சந்தேகம் என்றே கூறப்படுகிறது.