மூத்த குடிமக்கள் ரயில் டிக்கெட்டில் கட்டண சலுகை பெற ஏப்ரல் 1ம் தேதி முதல் ஆதார் கட்டாயம்

மூத்த குடிமக்களுக்கு ரயில் டிக்கெட் கட்டண சலுகை வழங்கப்படுகிறது.

இவர்கள் சலுகை பெற விருப்ப அடிப்படையில் ஆதார் சமர்ப்பிக்கலாம் என ரயில்வே கடந்த ஆண்டு டிசம்பரில் கூறியிருந்தது.

பரிசோதனை முயற்சியாக கொண்டுவரப்பட்ட இந்த நடைமுறை இந்த மாதத்துடன் முடிகிறது. அடுத்த மாதம் 1ம் தேதி முதல் மூத்த குடிமக்கள் கட்டண சலுகை பெறுவதற்கு ஆதார் எண்ணை கட்டாயம் வழங்க வேண்டும் என்று அறிவிக்கப்பட்டுள்ளது.

இதுதவிர, 2017-18ம் ஆண்டுக்கான புதிய வர்த்தக திட்டத்தை ரயில்வே அமைச்சர் சுரேஷ் பிரபு நேற்று வெளியிட்டார்.

அதோடு, ஆதார் அடிப்படையிலான பயண டிக்கெட் வழங்கும் முறையும் செயல்படுத்தப்பட இருக்கிறது.

பணமற்ற பரிவர்த்தனைக்காக 6,000 ஸ்வைப்பிங் மிஷின்கள், 1,000 தானியங்கி டிக்கெட் இயந்திரங்கள் நிறுவப்பட இருக்கின்றன.

இதுதவிர, வரும் மே மாதம், பணமற்ற பரிவர்த்தனைக்காக ஒருங்கிணைந்த மொபைல் ஆப் அறிமுகம் செய்யவும் ரயில்வே திட்டமிட்டுள்ளது.

 இதுகுறித்து ரயில்வே அதிகாரி ஒருவர் கூறியதாவது: ஐஆர்சிடிசி இணையதளத்தில் ஆதார் எண்ணை ஒரே ஒரு முறை பதிவு செய்தால் போதும். இதன் மூலம் புரோக்கர்கள் முறைகேடு செய்வது தடுக்கப்படும். போலி அடையாள அட்டை மூலம் பிறர் சலுகை பெறுவதைகண்டறிய முடியும். புதிய வர்த்தக திட்டம் மலை பிரதேசங்களை இணைக்கும் புதிய சுற்றுலா ரயில்களை அறிமுகப்படுத்தவும், பயணிகள் வசதியை மேம்படுத்தவும் வழி வகுக்கும் என்றார்.