TNTET - ஆசிரியர் தகுதித் தேர்வில் தகுதிகாண் [வெயிட்டேஜ்] மதிப்பெண் முறையை தமிழக அரசு ரத்து செய்ய வேண்டும் என்று பாமக நிறுவனர் ராமதாஸ் வலியுறுத்தியுள்ளார்.

📝 இது தொடர்பாக அவர் வெள்ளிக்கிழமை (27.01.2017) வெளியிட்ட அறிக்கை:



🍁 தமிழகத்தில் ஆசிரியர் தகுதித் தேர்வு ஏப்ரல் மாத இறுதிக்குள் நடத்தப்படும் என்று பள்ளிக் கல்வித் துறை அமைச்சர் பாண்டியராஜன் அறிவித்துள்ளார்.

🍁 தமிழக அரசின் இந்த முடிவு வரவேற்கத்தக்கது.

🍁 ஆனால் ஆசிரியர்கள் நியமனத்துக்கு தகுதிகாண் மதிப்பெண் முறையை அறிமுகப்படுத்தியுள்ளது அநீதியாகும்.

🍁 அதன்படி, தகுதித்தேர்வு மதிப்பெண்ணில் 60 % மட்டுமே கணக்கில் கொள்ளப்படும்.

🍁 மீதமுள்ள 40 % மதிப்பெண் பிளஸ் 2, பட்டப்படிப்பு, பி.எட்.
தேர்வு ஆகியவற்றில் பெற்ற மதிப்பெண்ணைக் கொண்டு கணக்கிடப்படும்.

🍁 பள்ளி பொதுத்தேர்வாக இருந்தாலும், பட்டப்படிப்பாக இருந்தாலும் 10 ஆண்டுகளுக்கு முன் வழங்கப்பட்டதை விட தற்போது தாராளமாக மதிப்பெண் வழங்கப்படுகிறது.

🍁 இதனால் அண்மையில் ஆசிரியர் படிப்பை முடித்தவர்களின் தகுதிகாண் மதிப்பெண் அதிகமாக இருக்கும் என்பதால் அவர்கள் எளிதாகத் தேர்ச்சி பெறுவர்.

🍁 ஆனால், 10 ஆண்டுகளுக்கு முன்பு படித்தவர்கள் தகுதித் தேர்வில் அதிக மதிப்பெண் பெற்றாலும் பள்ளி மற்றும் கல்லூரிகளில் அவர்கள் பெற்ற மதிப்பெண் குறைவு என்பதால் அவர்களுக்கு வேலை கிடைக்காது.

🍁 பள்ளி மற்றும் கல்லூரித் தேர்வு மதிப்பெண்ணில் நம்பிக்கை இல்லாமல்தான் தகுதித் தேர்வு முறை கொண்டு வரப்பட்டது.

🍁 தற்போது தகுதித் தேர்வு மதிப்பெண்ணில் 60 % மதிப்பெண்ணையும், பள்ளி மற்றும் கல்லூரித் தேர்வுகளில் 40 % மதிப்பெண்ணையும் எடுத்துக் கொள்வது என்பது கேலிக்கூத்தானது.

🍁 இது தகுதித் தேர்வு கொண்டு வரப்பட்டதன் அடிப்படை நோக்கத்தையே சிதைத்துவிடும்.

🍁 எனவே, ஆசிரியர்கள் நியமனத்தில் தகுதிகாண் மதிப்பெண் முறையை ரத்து செய்துவிட்டு தகுதித் தேர்வு மதிப்பெண் அடிப்படையில் மட்டுமே ஆசிரியர்களை நியமிக்க வேண்டும் என்று ராமதாஸ் கூறியுள்ளார்.