ரொக்கமில்லா பணப் பரிவர்த்தனைக்கு புதிய தொழில்நுட்பம்.

💳 டிசம்பர் 25 முதல் அறிமுகப்படுத்த மத்திய அரசுக்கு மாநில முதலமைச்சர்கள் குழு பரிந்துரை.



📱செல்லிடப்பேசி மூலம் மேற்கொள்ளப்படும் பணப் பரிவர்த்தனையை எளிமையாக்கும் வகையில் மேம்படுத்தப்பட்ட யுஎஸ்எஸ்டி தொழில்நுட்பத்தை அறிமுகப்படுத்த வேண்டும் என்று மத்திய அரசுக்கு மாந்ல முதலமைச்சர்கள் குழு பரிந்துரை செய்துள்ளது.

💶 அதிக மதிப்புடைய பழைய ₹500, ₹1000 நோட்டுகள் செல்லாது என அறிவிக்கப்பட்டதை அடுத்து, நாட்டில் டெபிட் கார்டுகள், கிரெடிட் கார்டுகள், செல்லிடப்பேசி உள்ளிட்டவற்றின் மூலம் மேற்கொள்ளப்படும் ரொக்கமில்லா பணப் பரிவர்த்தனை அதிகரித்துள்ளது.

📱இதனை ஊக்குவிக்கும் வகையிலான நடவடிக்கைகளை மேற்கொள்ள இணையவழிப் பணப் பரிவர்த்தனைக்கான மாந்ல முதலமைச்சர்கள் குழுவை மத்திய அரசு உருவாக்கியது.

💳 ஆந்திரப்பிரதேச மாநில முதலமைச்சர் சந்திரபாபு நாயுடு தலைமையிலான இந்தக் குழுவில் பல்வேறு மாநிலங்களின் முதலமைச்சர்களும் இடம்பெற்றுள்ளனர்.

💳 இந்நிலையில், மத்திய கொள்கைக் குழு (நீதி ஆயோக்) கூட்டம் தில்லியில் வெள்ளிக்கிழமை (23.12.16) நடைபெற்றது.

💳 இந்தக் கூட்டத்தில், ரொக்கமில்லா பணப் பரிவர்த்தனையை ஊக்குவிக்க மத்திய நிதியமைச்சகத்திடம் தனது பரிந்துரை அறிக்கையை மாநில  முதலமைச்சர்கள் குழு சமர்ப்பித்தது.

 📝 அந்த அறிக்கையின் முக்கிய அம்சங்கள்:

📱செல்லிடப்பேசி மூலம் பணப் பரிவர்த்தனையை எளிமையாக்கும் யுஎஸ்எஸ்டி தொழில்நுட்பத்தின் மேம்படுத்தப்பட்ட முறையை வரும் டிசம்பர் 25-ஆம் தேதியில் இருந்து அரசு அறிமுகப்படுத்த வேண்டும்.

💳 ரொக்கமில்லா பணப் பரிவரித்தனையை மேற்கொள்ளும் வாடிக்கையாளரை ஆதார் மூலம் அடையாளம் காணும் முறை பின்பற்றப்பட வேண்டும்.

💳 சாதாரண வியாபாரியும் ரொக்கமில்லா பணப் பரிவர்த்தனையை மேற்கொள்ளும் வகையில் அதன் நடைமுறைகளை ரிசர்வ் வங்கியும், மற்ற வங்கிகளும் ஊக்குவிக்க வேண்டும்.

💳 செல்லிடப்பேசியில் ஆதார் அட்டை மூலம் பணப் பரிவர்த்தனையை மேற்கொள்ளும் வகையிலான ஒரு செயலியை டிசிஎஸ் நிறுவனத்துடன் இணைந்து இந்தியப் பிரத்யேக அடையாள ஆணையம் (யுஐடிஏஐ) விரைவில் அறிமுகப்படுத்தவுள்ளது.
 என அந்த அறிக்கையில் தெரிவிக்கப்பட்டுள்ளன.