ஜனவரி 1 - 2017 முதல் வங்கிகளில் பணம் எடுப்பதற்கான நிபந்தனைகளை தளர்த்த வாய்ப்பு..?

💎 பொருளாதார விவகாரங்கள் குறித்து உயர்நிலைக் குழுவுடன் வரும் 27ம் தேதி பிரதமர் நரேந்திர மோடி ஆலோசனை நடத்த உள்ளார்.



💎 இதுகுறித்து பிரதமர் அலுவலக உயர் அதிகாரி ஒருவர் கூறியதாவது:

💎 டெல்லியில் நிதி ஆயோக் அலுவலகத்தில் வரும் 27ம் தேதி பிரதமர் நரேந்திரமோடி தலைமையில் உயர்மட்ட ஆலோசனை கூட்டம் நடைபெற உள்ளது.

💎 இதில், நிதி ஆயோக் உறுப்பினர்கள், மத்திய நிதி, வர்த்தக, தொழில் துறை அமைச்சகங்களின் உயரதிகாரிகள் மற்றும் பொருளாதார நிபுணர்கள் பங்கேற்கிறார்கள்.

💎 இதில், ரூபாய் நோட்டுகள் வாபஸ் பெறப்பட்ட பிறகு நிலவரம், பணத் தட்டுப்பாடுகள் குறித்தும், பொருளாதார விவகாரங்கள் குறித்தும் விவாதிக்கப்பட உள்ளது.

💎 மின்னணு பணப் பரிவர்த்தனையை ஊக்குவிப்பதற்காக மேற்கொள்ளப்படும் திட்டங்கள் குறித்தும் ஆய்வு செய்யப்படும்.

💎 மேலும், வரும் டிசம்பர் 30ம் தேதியுடன் பழைய கரன்சிகளை திரும்ப பெறும் அவகாசம் முடிவடைவதாலும், ரிசர்வ் வங்கியில் போதிய அளவுக்கு புதிய கரன்சிகள் உள்ளதாலும், ஜனவரி 1 முதல் வங்கிகள் மற்றும் ஏடிஎம்களில் பணம் எடுப்பதற்கான நிபந்தனைகளை ரத்து செய்வது பற்றியும் பரிசிலீக்கப்படும்.

💎 நிபந்தனைகள் முழுவதும் ரத்து ஆகா விட்டாலும் பெரும்பாலும் தளர்த்தப்பட வாய்ப்புகள் உள்ளன.

இவ்வாறு அந்த அதிகாரி தெரிவித்தார்.