அன்று கன்னியாகுமரி மாவட்டத்தில் அரசு பள்ளியில் தமிழ் வழியில் பயின்றவர் இன்று இஸ்ரோவின் தலைவர். - இஸ்ரோவின் புதிய தலைவர் முனைவர் கே. சிவன் பற்றிய சில தகவல்கள்.

🔸 கன்னியாகுமரி மாவட்டத்தில் அரசு பள்ளியில் தமிழ் வழியில் படித்து தற்போது  இஸ்ரோவின் தலைவராக பொறுப்பேற்று உள்ளார். தமிழக விஞ்ஞானி முனைவர் கே. சிவன்.

🔹 இஸ்ரோவின் புதிய தலைவராக தமிழ்நாட்டை சேர்ந்த விஞ்ஞானி முனைவர்  கே.சிவனை நியமித்து மத்திய அரசு உத்தரவிட்டுள்ளது.

🔸 கடந்த 2015 ஜனவரி 12ம் தேதி இஸ்ரோ தலைவராக பொறுப்பேற்ற ஏ.எஸ்.கிரண்குமாரின் பதவிக்காலம் முடிவடைவதை அடுத்து, தற்போது விஞ்ஞானி  முனைவர் கே. சிவன் இந்த பதவியை ஏற்றுள்ளார்.

🔹 தமிழகத்தை சேர்ந்த விஞ்ஞானி ஒருவர் இஸ்ரோ தலைவராக பொறுப்பேற்பது இதுவே முதல் முறை. இவர் நாகர்கோவிலை சேர்ந்தவர்.

✳ விஞ்ஞானி முனைவர் கே சிவன்:

விஞ்ஞானி முனைவர் கே.சிவன், கன்னியாகுமரி மாவட்டம் நாகர்கோவில் அருகே சரக்கல்விளை கிராமத்தில் விவசாய குடும்பத்தில் பிறந்தவர்.

🔸 தந்தை கைலாசவடிவு  நாடார், தாயார் செல்லம்.

🔹 சரக்கல்விளை அரசு தொடக்கபள்ளியில் சிவன் ஆரம்ப கல்வி பயின்றார்.

🔸 வல்லன் குமாரவிளை அரசு உயர்நிலை பள்ளியில் 10 ஆம் வகுப்பு வரை படித்தார்.

🔹 பின்னர் பியுசி படிப்பை நாகர்கோவில் தெ.தி.இந்து கல்லூரியில் முடித்தார். தொடர்ந்து பி.எஸ்சி கணிதம் பட்ட படிப்பும் அங்கு பயின்றார்.

🔸 கடந்த 1980ல் சென்னையில் உள்ள எம்.ஐ.டி.யில் ஏரோநாட்டிகல் இன்ஜினியரிங் முடித்துவிட்டு தன்னுடைய முதுகலை படிப்பை பெங்களூரில் உள்ள ஐஐஎஸ்சியில் 1982-ல் முடித்தார்.

✳ பி.எஸ்.எல்.வி. ராக்கெட் உருவாக்கம்:

🔹இஸ்ரோவின் பி.எஸ்.எல்.வி. ராக்கெட்டின் திட்டமிடுதல் மற்றும் வடிவமைப்புக் குழுவில் கடந்த 1982 இணைந்த சிவன், அந்த ராக்கெட் உருவாக்கத்தில் முக்கியப் பங்காற்றினார்.

🔸இஸ்ரோவின் பிஎஸ்எல்வி திட்டத்தின் திட்டமிடுதல் மற்றும் வடிவமைப்புக் குழுவில் இணைந்த சிவன், தொடர்ந்து பல்வேறு திட்டங்களில் தன்னை இணைத்துக் கொண்டார். தன்னுடைய பணிக்காலத்தில் பல்வேறு விருதுகளையும் இவர் பெற்றுள்ளார்.
 
✳ ஜி.எஸ்.எல்.வி. டி-5 ராக்கெட்:

🔹 2014ல் ஜி.எஸ்.எல்.வி. டி-5 ராக்கெட் வெற்றிகரமாக விண்ணில் ஏவப்பட்ட போது அதன் திட்ட இயக்குநராக பணியாற்றியிருந்தார்.

🔸 ராக்கெட்டை விண்ணில் ஏவும்போது அதன் பாதையை விண்ணில் தீர்மானிப்பது தொடர்பான மென்பொருளை உருவாக்கியவர்.

🔹 ஆய்வுகள் வாயிலாக ஜிஎஸ்எல்வி ராக்கெட்கள் தோல்விக்கான காரணங்களை கண்டறிந்து அதில் சிவன் வெற்றி கண்டார்.
 
✳ விக்ரம் சாராபாய் விண்வெளி நிலையம்:

🔸 இஸ்ரோவின் மிகப்பெரிய விண்வெளி நிலையமாகக் கருதப்படும் திருவனந்தபுரம் விக்ரம் சாராபாய் விண்வெளி நிலைய இயக்குநராகப் பணியாற்றுவதற்கு முன்பாக, நெல்லை மாவட்டம் மகேந்திரகிரியில் உள்ள திரவ இயக்கத் திட்ட மையத்தின் இயக்குநராக சிவன் பணியாற்றினார்.

🔹 சிவன் தற்போது திருவனந்தபுரத்தில் வசித்து வருகிறார். மனைவி மாலதி, 2 மகன்கள். மூத்த மகன் சித்தார்த், பி.டெக் படிக்கிறார். இளைய மகன் சிஷாந்த், அனிமேஷன் டெக்னாலஜி படித்து வருகிறார்.
 
✳ நண்பர்கள் மகிழ்ச்சி:

இஸ்ரோவின் தலைவராக சிவன் தற்போது பொறுப்பு ஏற்றுள்ளதால் முனைவர் கே. சிவனின் சொந்த ஊர் மக்களும் நண்பர்களும் மகிழ்ச்சியடைந்துள்ளனர்.