கல்விக்கதிர்: வாட்ஸ் அப்- ல் வைரலாகப் பரவும் ஆசிரியர்களுக்கான LOGO - உண்மைச் செய்தியா? வதந்தியா? தற்போது இந்த LOGO வை இந்தியாவில் பயன்படுத்தி வருபவர்களின் விபரங்களை ஆதாரங்களுடன் அறிய...

ஆசிரியர் LOGO-விற்கு உச்ச நீதிமன்றம் அனுமதித்ததா?

வலைத்தள வதந்தி

🌺தற்பொழுது சமூக வலைத்தளங்களில் ஆசிரியர்களுக்கு என்று தனி LOGO-ஐ பயன்படுத்த உச்ச நீதிமன்றமே அனுமதி அளித்துவிட்டதாக ஒரு வதந்தி பரவி வருகிறது.

🌺 இதன் உண்மைத் தன்மைக்கான எவ்வித சான்றும் அதில் இல்லை.

🌺 மேலும் அதில், "மருத்துவர் & வழக்கறிஞர்கள் பயன்படுத்த அனுமதித்தது போல" என்று குறிப்பிடப்பட்டுள்ளது.

🌺 உண்மையில் இவர்களுக்கு நீதிமன்றம் அனுமதி அளித்ததா? அளிக்க முடியுமா? அளிக்க வேண்டிய அவசியமுண்டா? என பல கேள்விகள் எழுகிறது.

🌺 மருத்துவர் & அவசரச் சிகிச்சை வாகனங்களில் சிவப்பு நிற '+' குறி LOGO இடம்பெற்றிருக்கும். உண்மையில் இது இவர்களுக்கானதே அல்ல.

🌺 செஞ்சிலுவை இயக்கத்திற்காக, 1949-ம் ஆண்டு ஜெனீவா மாநாட்டில் அதிகாரப்பூர்வமாக அங்கீகரிக்கப்பட்ட LOGO அது.

🌺 இதை மற்றவர்கள் பயன்படுத்துவது தண்டனைக்குறிய குற்றமாகும். ஆனால் இந்தியா உள்ளிட்ட பல நாடுகளில் இதை மருத்துவர் உள்ளிட்ட பலர் பயன்படுத்தி வருகின்றனர்.

🌺 2007-ல் சர்வதேசச் செஞ்சிலுவைச் சங்கம் (ICRC) இந்திய மருத்துவக் குழுமத்திற்கு(IMC) இது குறித்து அறிவுறித்தி, தங்களின் LOGO-வை பயன்படுத்துவதை நிறுத்திக் கொள்ள அறிவுறுத்தியது.

🌺 அதன்பின்னரே, சிவப்பு நிற (90%) '+' குறியினுள் Dr அல்லது Rx என்று குறியிட்ட LOGO-ஐ பயன்படுத்த IMC முடிவெடுத்தது.

🌺இந்த LOGO-வையும் MBBS மருத்துவர்கள் மட்டுமே பயன்படுத்த அனுமதியுண்டு என IMC கூறியுள்ளது.

🌺 இதனை சித்தா, ஆயுர்வேதா, கால்நடை மருத்துவர்களோ, மருந்தகங்களோ பயன்படுத்தக் கூடாது.

🌺 ஒரு LOGO- வைப் பயன்படுத்துவதில் இத்தனை வில்லங்கங்கள் உள்ள சூழலில்,

🌺 ஏதோ ஒரு LOGO-ஐ அடிப்படை ஆதாரங்கள் ஏதுமின்றி உச்சநீதி மன்றம் அனுமதி அளித்தது என்று அறிவைப் போதிக்கும் ஆசிரியர்களே பகிர்ந்து வருவது வியப்பை அளிப்பதாகவே உள்ளது.

🌺 ஒரு திறமைமிக்க ஆசிரியர் எனில் இது போன்ற தகவலைப் பார்த்தவுடன் உங்களின் மனதில்,

🌺 உச்ச நீதிமன்றத்தில் இதுக்காக வழக்காடியது யார்?

🌺 இதை வடிவமைத்தது யார்?

🌺 தீர்ப்பளித்தது யார்?

🌺 தீர்ப்பின் விபரம் என்ன?

என்பன போன்ற கேள்விகள் எழுந்திருக்க வேண்டும் அல்லவா!?

👉 உண்மையில் வாட்ஸ் ஆப்- ல் பரப்பப்படும் அந்த இலச்சினையின் உரிமையாளர்கள் யாரெனில்,

🔹 பஞ்சாப் மாநிலம் லூதியானாவில் இயங்கி வரும் Commerce Talent Search Examination Foundation என்ற அமைப்பாகும்.

🔸 இது வணிகவியல் தொடர்பான போட்டித் தேர்வுகளுக்கு மாணவர்களைத் தயார்ப்படுத்தும் பதிவு செய்யப்பட்ட தனியார் பயிற்சி நிறுவனம் ஆகும்.

🔹 பதிவு பெற்ற நிறுவன இலச்சினையை மற்றவர்கள் பயன்படுத்துவது தண்டனைக்குறிய குற்றமாகும்.

🔸 எனவே, ஆசிரியர் இலச்சினை (LOGO) என்று பகிரப்பட்டுவரும் செய்தியை இனி பகிர்வதை தவிர்ப்போம்.

உண்மையில் இந்த LOGO வை வடிவமைத்து பயன்படுத்தி வருபவர்கள் Commerce Talent Search Examination Foundation (CTSE), Ludhiana.

ஆதாரம்

👇