லட்சத்தைத் தாண்டியது சம்பளம்... குஷியில் தமிழக எம்எல்ஏ-க்கள்!

தமிழக எம்எல்ஏ-க்களுக்கான ஊதியம் இருமடங்காக உயர்த்தப்பட்டுள்ளதாக, முதல்வர் எடப்பாடி பழனிசாமி சட்டப்பேரவையில் அறிவித்துள்ளார். தற்போது எம்எல்ஏ-க்களின் சம்பளம் 55 ஆயிரம் ரூபாயாக உள்ளது. இந்தச் சம்பளம், 1.05 லட்சம் ரூபாயாக உயர்த்தப்பட்டுள்ளதாக முதல்வர் தெரிவித்துள்ளார்.

இன்று சட்டப்பேரவையில், தமிழக எம்எல்ஏ-க்களுக்கு இன்ப அதிர்ச்சி அளித்தார், எடப்பாடி பழனிசாமி. சட்டப்பேரவையில் அவர் வெளியிட்ட அறிவிப்புகள் பின்வருமாறு... ’தற்போது எம்எல்ஏ-க்களின் சம்பளம் 55 ஆயிரம் ரூபாயாக உள்ளது. இந்தச் சம்பளம், 1.05 லட்சம் ரூபாயாக உயர்த்தப்பட்டுள்ளதாக முதல்வர் அறிவித்துள்ளார். மேலும், எம்எல்ஏ-க்களின் தொகுதி மேம்பாட்டு நிதி, 2 கோடியில் இருந்து 2.50 கோடியாக உயர்த்தப்பட்டுள்ளது. எம்எல்ஏ-க்களின் சம்பள உயர்வு ஜூலை 1-ம் தேதி முதல் கணக்கிட்டு வழங்கப்படும். ஓய்வுபெற்ற எம்எல்ஏ-க்களின் ஓய்வூதியம், 12 ஆயிரம் ரூபாயில் இருந்து, 20 ஆயிரமாக உயர்த்தப்பட்டுள்ளது’ என முதல்வர் அறிவித்தார்.