கள்ள நோட்டுகளை ஒழிக்க தற்போது புழக்கத்தில் உள்ள புதிய ரூ.2,000 மற்றும் ரூ. 500 நோட்டுகளில் 3 அல்லது 4 வருடங்களுக்கு ஒரு முறை பாதுகாப்பு அம்சங்களை மாற்றியமைக்க மத்திய அரசு திட்டமிட்டுள்ளது.

 கள்ள நோட்டுகள்: 

💵 ரூ. 500, ரூ 1,000 ரூபாய் நோட்டுகள் திரும்ப பெறப்பட்ட பிறகு புதிதாக ரூ.2,000 மற்றும் 500 நோட்டுகள் வெளியிடப்பட்டன.

💷 கடந்த சில நாட்களாக அதிகளவு கள்ள நோட்டுகள் பறிமுதல் செய்யப்பட்டன.



💴 புதிய ரூ.2,000 நோட்டுகளில் உள்ள 17 பாதுகாப்பு அம்சங்களில் 11 அம்சங்கள் கள்ளநோட்டில் இடம்பெற்றன.

💶 புதிய நோட்டில் இடம்பெற்ற வாட்டர்மார்க், அசோகா பில்லர் சின்னம், 2000 எழுத்து, உறுதிமொழி, ரிசர்வ் வங்கி கவர்னர் கையெழுத்து, தேவநாகிரி எழுத்து ஆகியவை கள்ள நோட்டில் இடம்பெற்றுள்ளன.

💵 இது குறித்து மத்திய உள்துறை செயலாளர் ராஜிவ் மெஹ்ரிஷி தலைமையில் நிதித்துறை மற்றும் உள்துறை அதிகாரிகள் கூட்டம் நடந்தது.

💷 இந்த கூட்டத்தில், கள்ள நோட்டுகளை ஒழிக்க ஒவ்வொரு 3 அல்லது 4 வருடங்களுக்கு ஒரு முறை ரூபாய் நோட்டுகளில் மாற்றம் செய்வது என முடிவு செய்யப்பட்டது.

💴 பழைய ரூபாய் ஆயிரம் நோட்டுகள் அறிமுகபடுத்தப்பட்டது முதல் வாபஸ்பெறப்படும் வரையில், அதில் எவ்வித மாற்றமும் செய்யப்படவில்லை.

💶 1987 ல் பழைய ரூ.500 நோட்டுகள் வெளியிட்ட பின்னர், 10 வருடங்கள் கழித்து தான் சிறிய மாற்றம் செய்யப்பட்டது.

 இது குறித்து அதிகாரி ஒருவர் கூறியதாவது:

🔹 ரூபாய் நோட்டுகளில் மாற்றம் செய்வது என்பது கள்ள நோட்டுகளை ஒழிக்க பெரிதும் உதவும்.

🔸 சமீபத்தில் பிடிபடும் கள்ள நோட்டுகளுடன் பிடிபடும் நபர்கள் விசாரணையின் போது, அவர்கள் கள்ள நோட்டுகள் அனைத்தும் பாகிஸ்தானில் ஐ.எஸ்.ஐ., உதவியுடன் அச்சடிக்கப்படுவதாக கூறுகின்றனர்.

🔹 அந்த நோட்டுகள் வங்கதேசம் வழியாக கொண்டு வரப்படுவதாகவும் கூறுகின்றனர். இவ்வாறு அவர் கூறினார்.