2017 ஏப்ரல் 1 முதல் தமிழ்நாட்டில் மின்னணு குடும்ப அட்டைகள் (ஸ்மார்ட் ரேஷன் கார்டு) வழங்க நடவடிக்கை எடுக்கப்பட்டு வருகிறது என மாநில உணவுத்துறை அமைச்சர் காமராஜ் தகவல்.

💳 தமிழகத்தில் நடைமுறையில் உள்ள அனைத்து குடும்ப அட்டைகளுக்கும் முழுமையான ஆதார் எண் பதிவு செய்யப்பட்டு, வரும் ஏப்ரல் 1-ஆம் தேதி முதல் புதிய மின்னணு ஸ்மார்ட் ரேஷன் கார்டுகள் வழங்க நடவடிக்கை எடுக்கப்பட்டு வருவதாக உணவுத்துறை அமைச்சர் காமராஜ் தெரிவித்தார்.

💳 சென்னை சேப்பாக்கத்திலுள்ள எழிலகம் கூட்டரங்கில் மாவட்ட வழங்கல் மற்றும் நுகர்வோர் பாதுகாப்புத்துறை அலுவலர்களுக்கான மாநில அளவிலான கலந்தாய்வுக்கூட்டம், உணவுத்துறை அமைச்சர் காமராஜ் தலைமையில் நடைபெற்றது.

💳 இக்கூட்டத்தில் பேசிய அமைச்சர் ஆர்.காமராஜ், கடந்த ஆண்டு நவம்பர் மாதம் 1-ஆம் தேதி முதல் தேசிய உணவு பாதுகாப்பு சட்டம் - 2013 நடைமுறைபடுத்தப்பட்டு வருவதாகவும், வரும் ஏப்ரல் 1-ஆம் தேதி புதிய மின்னணு ஸ்மார்ட் கார்டுகள் வழங்குவதற்காக பணிகள் துரிதமாக நடைபெற்று வருவதாகவும் தெரிவித்தார்.

💳 மேலும், குடும்ப அட்டைகளில் பெயர், சேர்த்தல், நீக்குதல் உள்ளிட்டவை மீது குறைதீர் முகாம்களில் சுமார் 6 லட்சம் மனுக்களுக்கு தீர்வு காணப்பட்டுள்ளதாகவும் கூறினார்.