பணம் இல்லாமல் காசோலை திரும்பி வந்தால் கடும் தண்டனை: விரைவில் புதிய சட்டத்திருத்தம் - மத்திய அரசின் அடுத்த அதிரடி.

💶 காசோலை மோசடி செய்து வருபவர்களுக்கு தண்டனை வழங்கும் விதமாக மத்திய அரசு விரைவில் புதிய சட்டத்திருத்தம் கொண்டு வர திட்டமிட்டுள்ளது.



💵 வங்கி கணக்கில் பணம் இல்லாமல் காசோலை திரும்பி வந்தால் இரு ஆண்டுகள் சிறை அல்லது இரு மடங்கு அபராதம் அல்லது இரண்டும் விதிக்கப்படலாம் என தகவல்கள் தெரிய வந்துள்ளது.

💷 இது தொடர்பாக காசோலை மோசடி சட்டத்தில் திருத்தம் கொண்டு வர மத்திய அரசு பரிசீலித்து வருவதாக கூறப்படுகிறது.

💶 காசோலை பரிவர்த்தனைகளில் பெருமளவு மோசடி நடைபெறுகிறது.

💴 அதை உரிய முறையில் பயன்படுத்த முடியாத நிலை நீடிக்கிறது’ என வியாபாரிகள் மத்திய அரசிடம் தெரிவித்துள்ளனர்.

💷 மேலும் காசோலை மோசடியால் பாதிக்கப்பட்டோர் நீதிமன்றங்களில் வழக்கு தொடர்ந்து பணம் வாங்குவதும் கடினமாக இருப்பதாக தெரிவித்துள்ளனர்.

💵 அரசின் திட்டப்படி ரொக்கமில்லா பரிவர்த்தனையை கையாள வசதியாக காசோலை பயன்பாட்டினை ஊக்குவிக்க வேண்டும்.

🔷 இது குறித்து உயரதிகாரி கூறுகையில்:

💶 காசோலை மோசடி வழக்குகளில் சிக்குவோருக்கு கடும் தண்டனை விதிக்கும் வகையிலான பல்வேறு திட்டங்களை மத்திய அரசு பரிசீலித்து வருகிறது. இது தொடர்பான முடிவு விரைவில் எடுக்கப்படும்.

💴 ரொக்கமில்லா பரிவர்த்தனையை ஊக்குவிக்கும் வகையில் இத்தகைய கடுமையான விதிகளை கொண்டு வர திட்டமிடப்பட்டுள்ளது இவ்வாறு அவர் கூறினார்.

💷 இந்த புதிய சட்டத் திருத்தத்தை வரும் பட்ஜெட் கூட்டத்தொடரில் கொண்டுவர மத்திய அரசு திட்டமிட்டிருப்பதாக தகவல்கள் தெரியவந்துள்ளது.

💵 மேலும் இந்தியாவில் 18 லட்சத்திற்கு மேற்பட்ட காசோலை மோசடி வழக்குகள் நிலுவையில் உள்ளது.

💶 இதில் 38,000 வழக்குகள் உயர்நீதிமன்றங்களில் உள்ளது.

💴 இதில் பெரும்பாலான வழக்குகள் 5 வருடங்களுக்கு மேலாக நிலுவையில் இருப்பவை.

💷 மஹாராஷ்டிரா, குஜராத் மற்றும் ராஜஸ்தான் மாநிலங்களில் தான் அதிக அளவில் வழக்குகள் பதிவாகி உள்ளன என்பது குறிப்பிடத்தக்கது.