அந்தமான் அருகே காற்றழுத்த தாழ்வு பகுதி.. தமிழகத்தில் மீண்டும் மழைக்கு வாய்ப்பு..

அந்தமான் அருகே காற்றழுத்த தாழ்வு பகுதி..
தமிழகத்தில் மீண்டும் மழைக்கு வாய்ப்பு..

☔ தமிழகம் மற்றும் புதுச்சேரியில் அடுத்த 24 மணி நேரத்தில் லேசான மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
 
⚡தெற்கு அந்தமான் மற்றும் அதை ஒட்டியுள்ள வடக்கு சுமத்ரா தீவுப்பகுதியில் குறைந்த காற்றழுத்த தாழ்வு பகுதி உருவாகியுள்ளது‌.

💧அடுத்து வரும் 24 மணி நேரத்தில் அது காற்றழுத்த தாழ்வு மண்டல‌மாக மாற வாய்ப்புள்ளதாக வானிலை ஆய்வு மைய இயக்குநர் பாலசந்திரன் தெரிவித்துள்ளார்.

⚡இதன் காரணமாக, அடுத்த 24 மணி நேரத்தில் தமிழகம், புதுவையில் ஓரிரு இடங்களில் லேசான மழை பெய்ய வாய்ப்புள்ளதாக ‌சென்னை வானிலை ஆய்வு மையம் கூறியுள்ளது.

💧சென்னையை பொருத்தவரை நகரின் சில பகுதிகளில் விட்டு விட்டு லேசான மழை பெய்ய வாய்ப்புள்ளதாக தெரிவிக்கப்பட்டுள்ளது.

⚡ கடந்த 24 மணி நேரத்தில் அதிகபட்சமாக சிவகிரியில் 6 சென்டிமீட்டர் மழை பதிவாகியுள்ளது.