விரைவில் TNTET - தேர்வுக்கு வினாத்தாள் தயாரிக்க கல்லூரிகள், பல்கலைக்கழகத்தை ஈடுபடுத்த திட்டம்.

📝 ஆசிரியர் தகுதித் தேர்வுக்கான சிக்கல் தீர்ந்து விட்ட நிலையில், பி.எட்., கல்லூரிகள்,  பல்கலைக்கழகம் மூலம் புதிய TNTET  வினாத்தாள் தயாரிக்க, ஆசிரியர் தேர்வு வாரியம் முடிவு (TRB) செய்துள்ளது.


📝 ஆசிரியர் தகுதித் தேர்வான, TNTET தேர்வு, 2013க்கு பின் நடக்கவில்லை. தேர்வுக்கு பின், தேர்ச்சி மதிப்பெண்ணில் மாற்றம் கொண்டு வந்ததும், சாதி, மத அடிப்படையில் இடஒதுக்கீடு கொண்டு வந்ததும் சிக்கலை ஏற்படுத்தியது.

📝 தேர்வு எழுதியோர், உச்ச நீதிமன்றம் வரை சென்றதால், மூன்று ஆண்டுகளாக,  TNTET  தேர்வு நடத்தப்படவில்லை.

📝 இந்நிலையில், TNTET தேர்வு வழக்கு, கடந்த வாரம் முடிவுக்கு வந்தது.

📝 தமிழக அரசின் இட ஒதுக்கீடு மற்றும், 'வெயிட்டேஜ்' முறை செல்லும் என, உச்ச நீதிமன்றம் தீர்ப்பளித்தது.

📝 இதனால் விரைவில், TNTET தேர்வை, எவ்வித குழப்பமுமின்றி நடத்த, தமிழக பள்ளிக்கல்வித் துறை முடிவு செய்துள்ளது.

📝 இதற்காக, புதிய தரமான வினாத்தாள் தயாரிப்புக்காக, பி.எட்., கல்லூரிகள் மற்றும் பல்கலைக்கழகம்  மூலம் கமிட்டி அமைக்க, கல்வித்துறை ஆலோசித்து வருவதாக தகவல்கள் தெரிவிக்கின்றன.


🚫 இந்த தகவல் குறித்த உண்மைத்தன்மை விரைவில் உறுதிப்படுத்தப்படும். 🚫