பட்டதாரி ஆசிரியர் நிலையில் இருந்து முதுகலை பட்டதாரி ஆசிரியராக பதவிஉயர்வு பெறுவதில் உள்ள விகிதாச்சார பிரச்சனைக்கு விரைவில் தீர்வு.

📚 பள்ளிக்கல்வி: பட்டதாரி ஆசிரியர் நிலையில் இருந்து (ஒரே பாடம், வெவ்வேறு பாடம்) முதுகலை பட்டதாரி ஆசிரியராக பதவிஉயர்வு பெறுவதில் தற்போது உள்ள விகிதாச்சார பிரச்சனை முடிவுக்கு வர உள்ளது.

📗 முதுகலை பட்டதாரி ஆசிரியர் பதவி உயர்வில் வரலாறு, புவியியல் பாடப்பிரிவுகளில் (ஒரே பாடம் / வெவ்வேறு பாடம்) பிரச்னையால் பலர் பாதிக்கப்பட்டனர். இதனை தீர்க்க கல்வித்துறை முடிவு செய்துள்ளது.

📘 முதுகலை பட்டதாரி ஆசிரியர் காலிப் பணியிடங்களில் 50 சதவீதம் டி.ஆர்.பி., தேர்வு மூலமாகவும், 50 சதவீதம் பட்டதாரி ஆசிரியர்களின் பதவி உயர்வு மூலமாகவும் நிரப்பப்படுகின்றன. 

📗 பதவி உயர்வு மூலம் நிரப்புவதில் வரலாறு, புவியியல் பாடங்களுக்கு முதுகலை பட்டதாரி ஆசிரியர்கள் கிடைப்பதில் பற்றாக்குறை இருந்தது.

📘 இதையடுத்து 18 அக்டோபர் 2000 தில் இளநிலையில் ஏதாவதொரு பட்டத்தை முடித்து,

முதுகலையில் வரலாறு, புவியியல், பாடப்பிரிவுகளை படித்தோர் வேறு பாடம் (கிராஸ் மேஜர்) 3 பங்கும், இளநிலை, முதுநிலை இரண்டிலும் ஒரே பாடப்பிரிவை எடுத்து படித்தோர் (சேம் மேஜர்) ஒரு பங்கும் நியமிக்க அரசாணை வெளியிடப்பட்டது.

📗 தற்போது அந்த பாடங்களில் ஓரே பாடத்தை (சேம் மேஜர்) முடித்தோரின் எண்ணிக்கை அதிகரித்த நிலையிலும் பழைய அரசாணைப்படியே முதுகலை பட்டதாரி ஆசிரியர்கள் நியமனம் நடக்கிறது. இதனால் 'சேம் மேஜர்' முடித்த 10 ஆயிரத்திற்கும் மேற்பட்டோர் பாதிக்கப்பட்டனர்.  

📘 இதனை கண்டித்து பாதிக்கப்பட்டோர் போராடி வந்தனர்.

📗 இதையடுத்து முதுகலை பட்டதாரி ஆசிரியர் பதவி உயர்வில் 1:3 என்ற விகிச்சார முறையை மாற்றியமைக்க கல்வித்துறை திட்டமிட்டுள்ளது.

📘 இதற்கான விபரங்களை 30 நவம்பருக்குள் அனுப்பி வைக்க பள்ளி கல்வித்துறை முதன்மைக் கல்வி அலுவலர்களை கேட்டு கொண்டுள்ளது.

📚 தமிழ்நாடு வரலாறு பட்டதாரி ஆசிரியர் கழக மாநில பொதுச்செயலாளர் பழனியப்பன் கூறியதாவது: 'கிராஸ் மேஜர்,' 'சேம் மேஜர்' பிரச்னையால் பலர் பதவி உயர்வு கிடைக்காமலேயே ஓய்வு பெற்றனர். 

💐 15 ஆண்டுகள் போராட்டத்திற்கு தற்போது வெற்றி கிடைத்துள்ளது என்றார்.